«Դիգնիթի» Մարդասիրական Հասարակական Կազմակերպությունը (ԴԻԳՆԻԹԻ) հրավիրում է որակավորված մասնագետների և ծառայություն մատուցողների՝ ներգրավվելու «Իմ ձայնը կարևոր է․ երիտասարդների ներառական, ժողովրդավարական մասնակցությունը Հայաստանում խորհրդարանական ընտրություններին» ծրագրի իրականացմանը, որը նպատակ ունի ամրապնդել երիտասարդների հասանելիությունը փաստահեն տեղեկատվությանը և խթանել ժողովրդավարական մասնակցությունը Հայաստանում՝ 2026 թվականի խորհրդարանական ընտրություններին ընդառաջ։

1. ԲՈՎԱՆԴԱԿՈՒԹՅԱՆ ՄՇԱԿՄԱՆ ՓՈՐՁԱԳԵՏ

Տևողություն՝ 15 աշխատանքային օր

Հիմնական պարտականություններ՝

• Մշակել տեղեկատվական նյութերի հայեցակարգը և գրավոր բովանդակությունը՝ ներառական, ոչ կուսակցական, իրավունքահեն քաղաքացիական և ընտրական տեղեկատվությամբ
• Ապահովել, որ նյութերը լինեն փաստահեն, պարզ և համապատասխան երիտասարդ լսարանին
• Ներառել մեդիա գրագիտության և ժողովրդավարական մասնակցության թեմաներ
• Սերտ համագործակցել ծրագրային թիմի և գրաֆիկ դիզայների հետ

Պահանջներ՝

• Փորձ տեքստերի մշակման, բովանդակության ստեղծման, քաղաքացիական կրթության, մեդիա գրագիտության և/կամ հարակից ոլորտներում
• Վերլուծական և գրավոր խոսքի հմտություններ
• Հայաստանի համատեքստի և ընտրական գործընթացների լավ իմացություն

2. ԳՐԱՖԻԿ ԴԻԶԱՅՆԵՐ

Տևողություն՝ 10 աշխատանքային օր

Հիմնական պարտականություններ՝

• Ստեղծել տեսողականորեն գրավիչ և հետաքրքիր տեղեկատվական նյութեր՝ ներառական, ոչ կուսակցական, իրավունքահեն քաղաքացիական և ընտրական տեղեկատվությամբ
• Պատրաստել տպագրության համար պատրաստ ֆայլեր և թվային տարբերակներ
• Ապահովել վիզուալ նյութերի ստեղծումը, մշակումը, հաղորդակցության հասանելիությունն ու հստակությունը

Պահանջներ՝

• Գրաֆիկ դիզայնի ոլորտում փորձ
• Նախորդ աշխատանքները ներկայացնող պորտֆոլիո
• Սոցիալական կամ իրազեկման արշավների իրականացման փորձը կդիտվի առավելություն

3. ՄՈՆԻԹՈՐԻՆԳԻ ԵՎ ԳՆԱՀԱՏՄԱՆ (M&E) ԵՎ ՍՈՑԻԱԼԱԿԱՆ ՀԵՏԱԶՈՏՈՒԹՅԱՆ ՓՈՐՁԱԳԵՏ

Տևողություն՝ 4 ամիս

Հիմնական պարտականություններ՝

• Մշակել և իրականացնել ծրագրի մոնիթորինգի և գնահատման ձևաչափը
• Իրականացնել սոցիալական հետազոտություն՝ ՀՀ երիտասարդների շրջանում տեղեկատվության հասանելիության, ընտրական գործընթացներում ներգրավվածության և ընտրական ժամանակահատվածում խոցելի խմբերի հիմնահարցերի քաղաքական շահարկումների վերաբերյալ
• Հետևել ծրագրի առաջընթացին և գնահատել ազդեցությունը
• Պատրաստել վերջնական վերլուծական հաշվետվություն

Պահանջներ՝

• Փորձ մոնիթորինգի և գնահատման, հետազոտության կամ սոցիալական գիտությունների ոլորտում
• Վերլուծական և հաշվետվություններ կազմելու հմտություններ

4. ՏԵՍԱՆՅՈՒԹԵՐԻ ՊԱՏՐԱՍՏՄԱՆ ԵՎ ՍՈՑԻԱԼԱԿԱՆ ՄԵԴԻԱՅԻ ՆՅՈՒԹԵՐԻ ՍՏԵՂԾՄԱՆ ՄԱՍՆԱԳԵՏ

Արդյունք՝ 5 կարճ տեսանյութ (reel)
Տևողություն՝ 10–15 աշխատանքային օր

Հիմնական պարտականություններ՝

• Մշակել ստեղծագործական գաղափարներ և սցենարներ 5 կարճ տեսանյութերի համար՝ համապատասխան ծրագրի նպատակներին (մեդիա գրագիտություն, փաստահեն տեղեկատվություն, ժողովրդավարական մասնակցություն)
• Նկարահանել, մոնտաժել և պատրաստել 5 կարճ տեսանյութ (յուրաքանչյուրը՝ 30–60 վայրկյան)
• Հարմարեցնել բովանդակությունը տարբեր առցանց հարթակների համար (օր.՝ YouTube, Instagram, Facebook, TikTok)
• Ապահովել տեսանյութերի գրավչությունը, տեսողականորեն հասանելի և հետաքրքիր լինելը և որակը
• Համագործակցել ծրագրային թիմի և բովանդակության փորձագետի հետ՝ ուղերձների ճշգրտությունն ու միասնականությունն ապահովելու համար
• Աջակցել տեսանյութերի տարածմանը առցանց հարթակներում

Պահանջներ՝

• Տեսանյութերի պատրաստման և սոցիալական մեդիայի համար նյութերի մշակման փորձ
• Նախորդ աշխատանքների պորտֆոլիո (հատկապես կարճ ձևաչափի տեսանյութերի ստեղծման)
• Նկարահանման, մոնտաժի հմտություններ
• Թվային ներգրավման ռազմավարությունների և միտումների (թրենդերի) իմացություն
• Սոցիալական կամ իրազեկման արշավներում փորձը կդիտվի առավելություն

5. ԴԱՍԸՆԹԱՑԱՎԱՐ-ՓՈՐՁԱԳԵՏՆԵՐ

Արդյունք՝ 3-օրյա դասընթացավարների վերապատրաստման դասընթացի ընթացքում «Ժողովրդավարական/քաղաքացիական մասնակցություն», «Մեդիա գրագիտություն», «Ապատեղեկատվության կանխարգելում» թեմաների ներկայացում

Տևողություն՝ յուրաքանչյուր թեմայի ներկայացում 4 ժամ, մայիսի 20-22, 2026թ․

Հիմնական պարտականություններ՝

• Մշակել և ներկայացնել դասընթացների բովանդակությունը նշված թեմաներով
• Պատրաստել ինտերակտիվ և մասնակցային ուսումնական նյութեր (պրեզենտացիաներ, վարժություններ, քննարկումներ)
• Ապահովել մասնակիցների ակտիվ ներգրավվածությունը և գիտելիքների փոխանցումը
• Հարմարեցնել բովանդակությունը երիտասարդ լսարանի կարիքներին և գիտելիքի մակարդակին
• Համագործակցել ծրագրային թիմի հետ՝ դասընթացների արդյունավետ կազմակերպման համար
• Ապահովել խորհրդատվություն և ուղղորդում՝ աջակցելով դասընթացի մասնակիցներին ստացած գիտելիքների փոխանցման դասընթացներ իրականացնելու համար
• Անհրաժեշտության դեպքում տրամադրել դասընթացի համառոտ հաշվետվություն

Պահանջներ՝

• Փորձ դասընթացների անցկացման ոլորտում (նախընտրելի՝ քաղաքացիական կրթություն, մեդիա գրագիտություն կամ հարակից թեմաներով)
• Խորը գիտելիքներ նշված թեմաների վերաբերյալ
• Հաղորդակցման և ներկայացման բարձր հմտություններ
• Փորձ երիտասարդների հետ աշխատանքի ոլորտում
• Ինտերակտիվ ուսուցման մեթոդների իմացություն և կիրառման կարողություն

6․ ՏՊԱԳՐԱԿԱՆ ԾԱՌԱՅՈՒԹՅՈՒՆՆԵՐ

Ծրագրի շրջանակում նախատեսվում է նաև՝

• Տեղեկատվական նյութերի 1,000 օրինակի չափով տպագրություն

Դիմելու կարգ

Հետաքրքրված թեկնածուները կարող են դիմել առցանց՝ ԱՅՍՏԵՂ, ներկայացնելով՝

• Ինքնակենսագրական (CV)՝ փորձագետների համար կամ պորտֆոլիո՝ դիզայների/տեսանյութ ստեղծողի համար
• Նախորդ համապատասխան աշխատանքների օրինակներ

Դիմումների վերջնաժամկետ՝ 23 ապրիլի, 2026 թ.

Լրացուցիչ տեղեկատվություն

Կապ կհաստատվի միայն ընտրված թեկնածուների հետ։

Ծրագիրն իրականացվում է Դիգնիթի Մարդասիրական ՀԿ-ի կողմից New Democracy Fund-ի աջակցությամբ։