Ծրագրին կարող են դիմել աշխարհի ցանկացած երկրի իրավապաշտպաններ, ովքեր՝

• պաշտպանում կամ խթանում են մարդու իրավունքները իրենց երկրներում,
• գործում են անհատապես կամ հասարակական կազմակերպությունների, նախաձեռնությունների, շարժումների կամ ոչ ֆորմալ խմբերի կազմում,
• իրենց իրավապաշտպան գործունեության պատճառով ենթարկվում են իրական և լուրջ սպառնալիքների,
• ունեն ժամանակավոր վերաբնակեցման (ռելոկացիայի) անհրաժեշտություն,
• հայտ ներկայացնելու պահին ապաստանի հայց չեն ներկայացրել և չունեն փախստականի կարգավիճակ,
• անվտանգության պայմանների բարելավումից հետո մտադիր են վերադառնալ իրենց հայրենիք կամ այլ անվտանգ երկիր։

Կարող է աջակցություն տրամադրել այն իրավապաշտպաններին, ովքեր բախվել են հետևյալ իրավիճակներից մեկին կամ մի քանիսին․

• կյանքի կամ անձնական անվտանգության սպառնալիքներ,
• հետապնդում,
• կամայական ձերբակալություն կամ ազատությունից ապօրինի զրկում,
• ֆիզիկական, հոգեբանական կամ սեռական բռնություն,
• քրեական կամ վարչական հետապնդում,
• թվային հարձակումներ, կիբեռսպառնալիքներ, առցանց հետապնդում կամ հաշիվների կոտրում,
• խտրականություն, խարանավորում կամ ատելության խոսք,
• ճնշումներ ընտանիքի անդամների նկատմամբ,
• կամ մարդու իրավունքների պաշտպանության գործունեության հետ անմիջականորեն կապված այլ լուրջ վտանգներ։