Սոցիալական աջակցությունը նախատեսված է սոցիալապես անապահով և խտրականության ենթարկվող խոցելի խմբերի համար՝ ապահովելու նրանց առաջնային կարիքների բավարարումը, նպաստելու ներառմանը հասարակության մեջ, ընդլայնելու հասանելիությունը պետական ու համայնքային ռեսուրսներին։ Այն չի ներառում դրամական օգնություն, այլ կենտրոնանում է ծառայությունների հասանելիության, իրավական խորհրդատվության և սոցիալական հզորացման վրա։ 

 

Նպատակները 

• Աջակցել մարդկանց առաջնային կարիքների բավարարման և սոցիալական ծառայությունների ստացման հարցում
• Կանխել սոցիալական մեկուսացումը և նպաստել համայնքային ինտեգրմանը  
• Նպաստել պետական/հասարակական սոցիալական ծրագրերի վերաբերյալ իրազեկվածության բարձրացմանը և ներգրավմանը դրանցում 

 

Ինչ ենք տրամադրում 

• Նյութական աջակցություն 
• Սննդի աջակցություն 
• Հագուստի աջակցություն 
• Հիգիենիկ և տնտեսական պարագաների աջակցություն 
• Ժամանակավոր կացարան 
• և այլ սոցիալական ծառայություններ։ 

 

Տեղեկատվական և իրավական աջակցություն 

• Բժշկական, կրթական, բնակարանային և սոցիալական ծառայությունների մասին տեղեկություններ 
• Մշակութային ու համայնքային հնարավորությունների ներկայացում 
• Օգնություն փաստաթղթերի լրացման և պետական ծրագրերում գրանցման գործընթացում 

 

Ուղղորդում և միջնորդում 

• Ուղղորդում պետական մարմիններ, համայնքային կառույցներ և մասնավոր կազմակերպություններ 
• Միջնորդում՝ շահառուների իրավունքների պաշտպանության և ծառայությունների հասանելիության ապահովման հարցում 
• Ներկայացում և ուղղորդում՝ ԴԻԳՆԻԹԻԻ այլ ծառայություններից օգտվելու համար։ 

 

Մոտեցում 

• Անխտրականություն՝ անկախ սեռից, սեռական կողմնորոշումից, գենդերային ինքնությունից, տարիքից, ազգությունից, սոցիալական կարգավիճակից  
• Արժանապատվություն և հարգանք յուրաքանչյուր շահառուի նկատմամբ 
• Գաղտնիություն՝ տրամադրված տեղեկատվությունը չի տարածվում առանց անձի համաձայնության 
• Տրավմա-զգայուն մոտեցում՝ հաշվի առնելով յուրաքանչյուր անձի հոգեբանական և սոցիալական վիճակը 

 

Ինչպես դիմել 

Սոցիալական և ֆինանսական ծառայությունից օգտվելու համար սեղմեք գրանցման կոճակը։

 

Հոգեբանական աջակցությունը կազմակերպության ծառայությունների կարևոր բաղադրիչն է, որը ուղղված է աջակցելու խոցելի խմբերի այն ներկայացուցիչներին, ովքեր հայտնվել են ճգնաժամային կամ սթրեսային իրավիճակում։ Այն նպաստում է հոգեկան առողջության կայունացմանը, տրավմայի հաղթահարմանը, ինչպես նաև ինքնավստահության և ինքնուրույնության վերականգնմանը։ 

 

Նպատակներ 

• Նվազեցնել սթրեսը, անհանգստությունը և ճգնաժամային վիճակները 
• Աջակցել տրավմայի հաղթահարմանը (բռնություն, տեղահանում, խտրականություն և այլն) 
• Վերականգնել հոգեբանական հավասարակշռությունը և ինքնավստահությունը 
• Նպաստել անձի սոցիալական ներառմանը և կյանքի որակի բարելավմանը 

 

Ի՞նչ ենք տրամադրում 

Անհատական հոգեբանական խորհրդատվություն 

• Անձնական հանդիպումներ մասնագետի հետ 
• Սթրեսի և տրավմայի հաղթահարման աջակցություն 
• Աջակցություն դեպրեսիվ վիճակների և անհանգստության դեպքում 

 

Խմբային սեսիաներ 

• Փորձի փոխանակում նույն իրավիճակում գտնվող անձանց միջև 
• Ընդհանուր մեխանիզմների զարգացում՝ ինքնագնահատականի բարձրացման և հաղորդակցման հմտությունների համար 

 

Տրավմա-զգայուն թերապևտիկ մոտեցում 

• Հատուկ ուշադրություն տրավմայի հետևանքներին՝ ապահով միջավայրում 
• Անվտանգության, վստահության և կայունության վերականգնում 

 

Ճգնաժամային աջակցություն 

• Շտապ հոգեբանական օգնություն՝ վտանգի, բռնության կամ սուր սթրեսի դեպքում ուղղորդում մասնագիտացված ծառայությունների 
• Անհրաժեշտության դեպքում կապ հոգեթերապևտների, հոգեբույժների կամ առողջապահական համակարգի այլ մասնագետների հետ  

 

Մոտեցում 

• Գաղտնիություն – բոլոր զրույցները և տեղեկատվությունը խստիվ գաղտնի են 
• Անխտրականություն – անկախ սեռից, սեռական կողմնորոշումից, գենդերային ինքնությունից, տարիքից, ազգությունից  
• Հարգանք և արժանապատվություն – ապահովելով անխտրական, անվտանգ ու ոչ դատապարտող միջավայր 
• Տրավմա-զգայուն պրակտիկա – հաշվի առնելով յուրաքանչյուրի նախորդ փորձառությունները և կարիքները 

 

Ինչպես դիմել 

Հոգեբանական ծառայությունից օգտվելու համար սեղմեք գրանցման կոճակը։

 

Ժամանակավոր կացարան խոցելի խմբերի համար 

«Դիգնիթի» Մարդասիրական ՀԿ-ն տրամադրում է ժամանակավոր կացարան, որը նախատեսված է այն մարդկանց համար, ովքեր հայտնվել են կյանքի դժվար իրավիճակում և զրկված են ապահով տանիքից։  

 

Ովքե՞ր կարող են օգտվել ծառայությունից 

Կացարանը նախատեսված է հետևյալ խոցելի խմբերի ներկայացուցիչների համար․ 

• Տեղահանված անձինք և փախստականներ 

• Կանայք, ովքեր ենթարկվել են բռնության կամ թրաֆիքինգի 

• ՏՍՏ / ԼԳԲՏ+ 

• Սեքս աշխատողներ, ովքեր բռնության կամ խտրականության են բախվել 

 

Ի՞նչ ենք ապահովում 

Կացարանում մենք տրամադրում ենք․ 

• Անվտանգ և հարմարավետ տանիք 

• Հոգեբանական աջակցություն 

• Իրավաբանական խորհրդատվություն 

• Կազմակերպությունում տվյալ պահին հասանելի այլ ծառայություններ։ 

 

Մեր մոտեցումը 

Դիգնիթին առաջնորդվում է մարդու իրավունքների և արժանապատվության սկզբունքներով։ Մեր ժամանակավոր կացարանը ապահով տարածք է բոլորի համար՝ անկախ սեռից, սեռական կողմնորոշումից, գենդերային ինքնությունից, տարիքից, ազգությունից կամ սոցիալական կարգավիճակից։ 

 

Ինչպես դիմել 

Կացարանի ծառայությունից օգտվելու համար սեղմեք գրանցման կոճակը։

Մեր մասնագետները կտրամադրեն խորհրդատվություն կգնահատեն Ձեր համապատասխանությունը ծրագրին և կաջակցեն Ձեզ անվտանգ կացարան տեղափոխվելու հարցում։ 

Ժամանակավոր կացարանի կանոնակարգ