«Դիգնիթի» Մարդասիրական ՀԿ-ն ծառայություն մատուցող անհատների և Ա/Ձ-ների շրջանում հայտարարում է աութրիչի ծառայությունների մատուցման բաց մրցույթ:

Աութրիչի ծառայության նկարագիր

Աութրիչի ծառայությունների մատուցումը բնութագրվում է որպես ՄԻԱՎ-ի և ՁԻԱՀ-ի կանխարգելման միջամտություն, որն ուղղված է պոտենցիալ շահառուներին հանդիպելուն իրենց իսկ համայնքներում կամ միջավայրում, նրանց հետ սոցիալական կապեր հաստատելուն` ինչպես նաև կանխարգելման, թեստավորման, բուժման և այլ ծառայություններ տրամադրելու և/կամ դրանք ստանալու համար նրանց ուղղորդելու նպատակով: Աութրիչի առաջնային նպատակն է կապեր հաստատել խոցելի խմբերի ներկայացուցիչների հետ և իրազեկել ՄԻԱՎ-ի, ՁԻԱՀ-ի և առնչվող ծառայություների վերաբերյալ։

Շահառու խմբեր

• Տղամարդկանց հետ սեռական հարաբերություններ ունեցող տղամարդիկ (ՏՍՏ)
• Սեռական ծառայություններ մատուցող կանայք (ՍԾԿ)

Հիմնական պարտականություններ

Իրականացնել աութրիչի ծառայություններ Հայաստանի Հանրապետության ողջ տարածքում, մասնավորապես մատուցել ստորև ներկայացված ծառայությունները՝

ՄԻԱՎ-ին առնչվող ծառայություններ

• Շահառուներին տրամադրել հավասարը` հավասարին խորհրդատվություն՝ ՄԻԱՎ-ի, ՁԻԱՀ-ի և առկա ծառայությունների վերաբերյալ;
• Շահառուներին տրամադրել ՄԻԱՎ վարակի վերաբերյալ նախա- և հետթեստային խորհրդատվություն;
• Իրականացնել ՄԻԱՎ-ի վերաբերյալ արագ, անվճար և անանուն թեստավորում շահառուներին հարմար՝ նախապես համաձայնեցրած վայրում և ժամի՝ լնդային տրանսուդատի կամ արյան արագ թեստերի (ըստ շահառուի ցանկության) միջոցով;
• Շահառուներին տրամադրել ՄԻԱՎ-ի կանխարգելիչ նյութեր (պահպանակ, լուբրիկանտ և այլն);

Ուղղորդում բուժհաստատություններ

• ՄԻԱՎ-ի վերաբերյալ հետազոտությունների նախնական դրական պատասխանի դեպքում շահառուների ուղեգրում և ուղեկցում «Ինֆեկցիոն հիվանդությունների ազգային կենտրոն» ՓԲԸ (ԻՀԱԿ)՝ հետագա հետազոտությունների համար;
• Շահառուներին ուղեգրում, անհրաժեշտության դեպքում նաև ուղեկցում համապատասխան բուժ. հաստատություններ սեռավարակների (ՍՃՓՎ) վերաբերյալ խորհրդատվության, հետազոտության և բուժման ծառայություններից օգտվելու համար;
• Ուղեգրում ՄԻԱՎ-ի նախա- (PrEP) և հետկոնտակտային կանխարգելման (PEP) ստացման համար։

Հաշվետվություններ և մշտադիտարկում

• Սահմանված ժամկետներում ներկայացնել մատուցված ծառայությունների վերաբերյալ հաշվետվությունները;
• Պահպանել շահառուի և նրա հետ տարված աշխատանքի, մատուցված ծառայությունների վերաբերյալ հաշվետվությունների, այդ թվում՝ շահառուներին բաժանված նյութերի քանակի մասին գաղտնիությունը;
• Սահմանված ժամկետներում և ըստ պահանջի ներկայանալ մշտադիտարկումներին։

Հանդիպում-քննարկումներ և կրթատեղեկատվական միջոցառումներ

• Մասնակցել աշխատակազմի հանդիպումներին, ժողովներին, տրամադրել մատուցվող ծառայությունների վերաբերյալ տեղեկատվություն և հաշվետվություն;
• Մասնակցել հանդիպում-քննարկումներին՝ անհրաժեշտության դեպքում ներկայացնելով Դիգնիթին, ինչպես նաև իրականացվող ծրագրերն և արդյունքները;

• Նախաձեռնել, իրականացնել և ներգրավվել տեղեկատվական և կրթական միջոցառումներում՝ ՄԻԱՎ-ի կանխարգելման, առողջապահական հարցերի և անվտանգ սեռական վարքագծի վերաբերյալ:

• ԴԻԳՆԻԹԻԻ դասընթացների և այլ միջոցառումների ժամանակ ըստ պահանջի ապահովել շահառուների մասնակցություն;
• Ըստ անհրաժեշտության և հանձնարարականի իրականացնել հարցումներ շահառուների շրջանում։

Պահանջվող որակավորումներ և հմտություններ

• ՄԻԱՎ-ի կանխարգելման և առողջապահական կրթության ոլորտում մասնագիտական պատրաստությունը կամ վերապատրաստումը ցանկալի է;
• ՄԻԱՎ-ի և ՁԻԱՀ-ի մասին գիտելիքների նվազագույն իմացությունը ցանկալի է;
• Համակարգչից և գաջեթներից օգտվելու հմտություններ (MS Office, Internet navigation skills…);
• Հայերենի իմացությունը ցանկալի է;

Անհատական հատկանիշներ

• Բարձր սոցիալական պատասխանատվություն և լավ հաղորդակցման ու խորհրդատվական հմտություններ:
• Զգայունություն և խոցելի խմբերի հետ աշխատանքի հմտություններ;
• Լավ կազմակերպվածություն և աշխատասիրություն:
• Անհատական ներգրավվածություն և պատրաստակամություն աշխատել թիմում:
• Ստեղծագործական ջիղ:

Դիմելու ընթացակարգը — Դիմելու համար խնդրում ենք լրացնել հետևյալ  հայտադիմումը  մինչև 2026թ.-ի մայիսի 12-ը՝ հաստիքի/ծառայությունների մատուցման բաժնում ընտրելով Աութրիչ։ Հաջորդիվ դաշտում կարող եք ընտրել, թե ո՞ր խմբերին եք ցանկանում մատուցել ծառայություններ՝ «Աութրիչ_ՏՍՏ-ների շրջանում ՄԻԱՎ վարակի կանխարգելում» և/կամ «Աութրիչ_ՍԾԿ-ների շրջանում ՄԻԱՎ վարակի կանխարգելում»։

ՈՒՇԱԴՐՈՒԹՅՈՒՆ

• Ընտրված դիմորդների հետ ծառայությունների մատուցման պայմանագիրը կկնքվի ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ում վերապատրաստում անցնելուց հետո։

• Ծառայությունների մատուցման գործընթացի վերաբերյալ  որևէ թերություն կամ այլ խախտում հայտնաբերելու դեպքում պատասխանատվությունը կրում է ծառայություն մատուցողը։

• Ծառայությունները պետք է մատուցվեն ղեկավարվելով՝
  • Մարդու իմունային անբավարարության վիրուսից առաջացած հիվանդության կանխարգելման մասին ՀՀ օրենքով;
  • Անձնական տվյալների պաշտպանության մասին ՀՀ օրենքով;
  • ԴԻԳՆԻԹԻԻ կանոնադրությամբ և ԴԻԳՆԻԹԻԻ ներքին իրավական ակտերով։

ԴԻԳՆԻԹԻՆ ԿԱՊ ԿՀԱՍՏԱՏԻ ՄԻԱՅՆ ԸՆՏՐՎԱԾ ԴԻՄՈՐԴՆԵՐԻ ՀԵՏ