«Դիգնիթի» Մարդասիրական հասարակական կազմակերպությունը հայտարարում է, որ կազմակերպության կանոնադրական նպատակների և իրականացվող ծրագրերի շրջանակում տրամադրում է հետևյալ աջակցությունը․

Մարդու իրավունքների պաշտպանություն

• Իրավաբանական խորհրդատվություն և աջակցություն
• Փաստաբանական ծառայություն
• Օրենսդրական վերլուծություններ, զեկույցներ և առաջարկություններ
• Դիտորդական առաքելություն

Առողջության պահպանման և ծառայությունների հասանելիության ապահովում

• ՄԻԱՎ-ի կանխարգելման ծառայություններ
• ՍՃՓՎ հետազոտության և բուժման ուղղորդում
• PrEP-ի և PEP-ի խորհրդատվություն և ուղղորդում

Կարողությունների զարգացում և հզորացում

• Դասընթացներ
• Մասնագիտական վերապատրաստումներ
• Միջազգային փոխանակման ծրագրեր
• Ենթադրամաշնորհներ

Մարդասիրական աջակցություն

• Սոցիալական ոչ Ֆինանսական
• Հոգեբանական խորհրդատվություն
• Ժամանակավոր կացարան

Վերոնշյալ ծառայությունները տրամադրվում են ամբողջությամբ անվճար։ Ծառայությունների տրամադրման շրջանակում որևէ վճարի պահանջ, անձնական տվյալների ապօրինի հավաքագրում, մշակում կամ շահառուի ինքնության բացահայտում համարվում է իրավախախտում և հակասում է կազմակերպության գործունեության նպատակներին և սկզբունքներին։

Կազմակերպության կողմից իրականացվող ծրագրերն ու ծառայությունները իրականացվում են Հայաստանի Հանրապետության օրենսդրության, ինչպես նաև Հայաստանի Հանրապետության կողմից վավերացված միջազգային պայմանագրերի պահանջներին համապատասխան։

Ծրագրերի իրականացման ընթացքում շահառուների իրավունքների ցանկացած խախտում, ներառյալ՝ ծառայությունների տրամադրման անհիմն մերժումը, ճնշումը, խտրական վերաբերմունքը ենթակա է արձանագրման և համապատասխան իրավական արձագանքի։

Անօրինական գործողությունների, հարկադրանքի կամ իրավունքների կոպիտ խախտումների մասին ահազանգերի դեպքում «Դիգնիթի» Մարդասիրական ՀԿ-ն իրականացնում է դեպքերի փաստագրում և հետագա իրավական քայլերի ձեռնարկում՝ շահառուի անվտանգության և գաղտնիության լիարժեք պահպանմամբ։

Կազմակերպությունը նախազգուշացնում է, որ դիտավորությամբ կեղծ տեղեկությունների տարածումը, զրպարտությունը կամ սուտ մատնությունը առաջացնում են քրեական պատասխանատվություն՝ Հայաստանի Հանրապետության քրեական օրենսդրության համաձայն։

Բողոքների համար անցեք հետևյալ հղումով։