«Դիգնիթի» Մարդասիրական ՀԿ-ն ծառայություն մատուցող անհատների և Ա/Ձ-ների շրջանում հայտարարում է Լոռու մարզային ԴրոփԻն կենտրոնի համակարգողի ծառայությունների մատուցման բաց մրցույթ:

Պաշտոն` ԴրոփԻն կենտրոնի համակարգող

Վայր` Հայաստանի Հանրապետություն, ք․ Վանաձոր

ԴՐՈՓ-ԻՆ ԿԵՆՏՐՈՆԻ ՀԱՄԱԿԱՐԳՈՂ

Drop-In կենտրոնի համակարգողը պատասխանատու է կենտրոնի աշխատանքի կազմակերպման համար, որն ուղղված է խոցելի խմբերի աջակցությանը, ներառյալ՝ ՄԻԱՎ-ով ապրող կամ ռիսկային խմբերում գտնվող անձանց: Համակարգողի հիմնական նպատակը կենտրոնի արդյունավետ գործառույթների ապահովումն է, ծառայությունների որակի բարձրացումն ու գործընկերների և համայնքի հետ համագործակցությունը:

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ

Կենտրոնի աշխատանքի կազմակերպում և կառավարում

• Պլանավորել և համակարգել Drop-In կենտրոնի ամենօրյա աշխատանքները;
• Մշակել աշխատակիցների և միջոցառումների ժամանակացույց;
• Ապահովել այցելուների համար հարմարավետ և անվտանգ միջավայր:

Ծառայությունների տրամադրման համակարգում

• Կազմակերպել հիմնական ծառայությունների մատուցումը՝ խորհրդատվություն, բժշկական օգնություն, կրթական և տեղեկատվական հանդիպումներ;
• Հետևել ռեսուրսների և նյութերի հասանելիությանը, ներառյալ՝ ծախսվող նյութեր, դեղորայք և տեղեկատվական թերթիկներ;
• Ապահովել ծառայությունների մատուցման որակի ստանդարտների կատարումը:

Աշխատանք այցելուների հետ

• Կառուցել վստահելի հարաբերություններ կենտրոնի հաճախորդների հետ՝ պահպանելով գաղտնիությունը;
• Իրականացնել նախնական խորհրդատվություն և ուղղորդել համապատասխան մասնագետներին;
• Մասնակցել կոնֆլիկտային իրավիճակների լուծմանը և միջադեպերի կանխմանը:

Համագործակցություն գործընկերների և համայնքի հետ

• Հաստատել և պահպանել կապեր պետական կառույցների, բժշկական հաստատությունների և այլ ՀԿ-ների հետ;
• Կազմակերպել համատեղ միջոցառումներ և նախաձեռնություններ՝ ուղղված խոցելի խմբերի աջակցությանը;
• Ներկայացնել կենտրոնը տարածաշրջանային և ազգային ֆորումներում ու համաժողովներում:

Մոնիտորինգ և հաշվետվություն

• Վարել այցելուների, տրամադրված ծառայությունների և կենտրոնի միջոցառումների հաշվառում;
• Պատրաստել պարբերական հաշվետվություններ կազմակերպության ղեկավարության և դոնորների համար;
• Վերլուծել կենտրոնի գործունեության տվյալները և առաջարկել բարելավման ուղիներ:

Անձնակազմի կառավարում

• Ղեկավարել կենտրոնի թիմի աշխատանքը՝ ապահովելով աշխատակիցների ուսուցում և աջակցություն;
• Վերահսկել աշխատակարգերի և պարտականությունների կատարումը;
• Պարբերաբար անցկացնել թիմային հանդիպումներ՝ քննարկելու ընթացիկ խնդիրները և ծրագրերը:

ՀՄՏՈՒԹՅՈՒՆՆԵՐ ԵՎ ՈՐԱԿԱՎՈՐՈՒՄՆԵՐ

Կրթություն

• Բարձրագույն կրթություն սոցիալական աշխատանքի, բժշկության, կառավարման կամ հարակից ոլորտներում կդիտվի որպես առավելություն։

Մասնագիտական փորձ

• Առնվազն 2 տարվա աշխատանքային փորձ հանրային առողջապահության, սոցիալական աջակցության կամ կառավարման ոլորտներում:
• Նախկինում խոցելի խմբերի հետ աշխատանքի կամ ՀԿ-ներում գործունեության փորձը կդիտվի որպես առավելություն:

Հիմնական հմտություններ

Կենտրոնի աշխատանքի կազմակերպում

• Կենտրոնի գործունեության արդյունավետ պլանավորման և համակարգման ունակություն:

Հաղորդակցություն

• Հաճախորդների, աշխատակիցների և գործընկերների հետ հարաբերությունների կառուցման ունակություն:

Անձնակազմի կառավարում

• Թիմի մոտիվացիայի և ղեկավարության հմտություններ:

Վերլուծություն և հաշվետվություն

• Տվյալների հավաքման և վերլուծության, ինչպես նաև որակյալ հաշվետվություններ պատրաստելու ունակություն:

Անհատական հատկանիշներ

• Հաճախորդների նկատմամբ կարեկցանք և հարգանք:
• Պատասխանատվություն և սթրեսակայունություն:
• Կազմակերպվածություն և ուշադրություն մանրուքներին;
• Զգայունություն և խոցելի խմբերի հետ աշխատանքի հմտություններ։

Հաջողության չափանիշներ

• Drop-In կենտրոնի կայուն գործունեության ապահովում և այցելուների գոհունակություն:
• Գործընկերների և տեղի համայնքի հետ արդյունավետ համագործակցություն:
• Ծրագրի բոլոր նպատակների և խնդիրների ժամանակին կատարում:

Դիմելու ընթացակարգը — Դիմելու համար խնդրում ենք լրացնել հետևյալ հայտադիմումը մինչև 2026թ.-ի Փետրվարի 10-ը՝ հաստիքի/ծառայությունների մատուցման բաժնում ընտրելով համակարգող։ Հաջորդ դաշտում ընտրեք «DropIn կենտրոնի համակարգող Վանաձոր»։

ԿԱԶՄԱԿԵՐՊՈւԹՅՈւՆԸ ԿԱՊ ԿՀԱՍՏԱՏԻ ՄԻԱՅՆ ԸՆՏՐՎԱԾ ԴԻՄՈՐԴՆԵՐԻ ՀԵՏ