«ԴԻԳՆԻԹԻ» Մարդասիրական ՀԿ-ն ամբողջությամբ հոգացել է Ֆրանսիայի Մարսել քաղաքում ծանր իրավիճակում հայտնված ընտանիքի Հայաստան վերադարձի ծախսերը։

Ընտանիքը մեկնել էր Ֆրանսիա՝ իրենց 3 ամսական փոքրիկի բուժման նպատակով, սակայն մի շարք հանգամանքների հետևանքով հայտնվել էր սոցիալապես և ֆինանսապես ծանր կացության մեջ՝ առանց բավարար միջոցների և հայրենիք վերադառնալու հնարավորության։

«ԴԻԳՆԻԹԻ» Մարդասիրական ՀԿ-ի աջակցությամբ հաջողվել է ապահովել ընտանիքի անվտանգ վերադարձը Հայաստան։

Կազմակերպության և աջակիցների անտարբեր չմնալու և արագ արձագանքի շնորհիվ` անհրաժեշտ աջակցությունը տրամադրվել է ժամանակին, և ընտանիքը ապահով վերադարձել է Հայաստան։

Մենք հավատում ենք, որ մարդասիրությունը սկսվում է այն պահից, երբ տեսնում ենք ուրիշի դժվարությունը և որոշում ձեռք մեկնել։

Շնորհակալ ենք բոլոր նրանց, ովքեր շարունակում են վստահել և աջակցել մեր գործունեությանը։

Մեր մարդասիրական օգնությունն ու աջակցման ծրագրերը հնարավոր են դառնում բարերարների, գործընկերների և աջակիցների շնորհիվ։

Միասին մենք կարող ենք փոխել մարդկանց կյանքը և հույս վերադարձնել ամենադժվար իրավիճակներում։