Տեղեկացնում ենք, որ «Դիգնիթի» Մարդասիրական ՀԿ-ում գործում է ժամանակավոր կացարան Հայաստանում գտնվող ԼԳԲՏՔԻ փախստականների և ապաստան հայցողների համար, ովքեր ստիպված են եղել լքել իրենց մշտական բնակության վայրը և այժմ գտնվում են խոցելի իրավիճակում։

Մեր նպատակն է ապահովել նրանց համար անվտանգ և պաշտպանված միջավայր, որտեղ հնարավոր կլինի ստանալ ժամանակավոր բնակության պայմաններ։

Ով կարող է դիմել

ԼԳԲՏՔԻ անձինք, ովքեր

• ունեն փախստականի կարգավիճակ,
• հանդիսանում են ապաստան հայցող (դիմել են ՀՀ ՆԳՆ միգրացիայի և քաղաքացիության ծառայության՝ փախստականի կարգավիճակի համար),
• հեռացել են իրենց երկրից՝ սեռական կողմնորոշման և/կամ գենդերային ինքնության (ՍԿԳԻ) հիմքով խարանի և խտրականության, քրեականացման, քաղաքական և ոչ քաղաքական հետապնդումների պատճառով, որը պետք է լինի ապացուցելի,
• 2023թ․-ին բռնի ուժով տեղահանվել են Լեռնային Ղարաբաղից /Արցախից/։
• Հայաստանում և Լեռնային Ղարաբաղում /Արցախում/ ենթարկվել/ում են ՍԿԳԻ հիմքով խտրականության, բռնության և հետապնդումների:
  
  

Կացարանի ծառայություններից օգտվելու համար՝ դիմորդը պետք է համապատասխանի վերոնշյալ պայմաններից առնվազն երկուսին։

Կացարանին դիմելու համար՝ խնդրում ենք լրացնել հետևյալ ՀԱՅՏԱԴԻՄՈՒՄԸ։

ՈՒՇԱԴՐՈՒԹՅՈՒՆ․ Դիմումները կդիտարկվեն և հաստատված դիմումատուների հետ կապ կհաստատվի դիմումը ներկայացնելուց հետո 5 աշխատանքային օրվա ընթացքում։

«Դիգնիթի» Մարդասիրական ՀԿ-ն հանձնառու է նպաստել ԼԳԲՏՔԻ փախստականների և ապաստան հայցողների իրավունքների պաշտպանությանը և նրանց արժանապատիվ կեցության ապահովմանը։