.webp)
08 Հլս. 2026
Ազատազրկված անձանց կարողությունների զարգացման հերթական դասընթացը տեղի ունեցավ ՀՀ ԱՆ «ՆՈւԲԱՐԱՇԵՆ» ՔԿՀ-ում
2026թ․ի հուլիսի 8-ին «Դիգնիթի» Մարդասիրական ՀԿ-ի (Դիգնիթի) կողմից իրականացվող ՄԻԱՎ վարակի կանխարգելման ծրագրի շրջանակներում տեղի ունեցավ ՀՀ Արդարադատության նախարարության քրեակատարողական հիմնարկների (ՔԿՀ) ազատազրկված անձանց կարողությունների զարգացման հերթական դասընթացը «Նուբարաշեն» քրեակատարողական հիմնարկում։
Դասընթացների շարքի նպատակն է տեղեկատվական կրթական դասընթացների միջոցով զարգացնել ՀՀ ՔԿՀ-ներում ազատազրկված անձանց կարողությունները և առաջնորդությունը ՄԻԱՎ-ի, հեպատիտների, տուբերկուլոզի, մեթադոնային փոխարինող բուժման և առողջության իրավունքի ոլորտներում, տրամադրել կրթատեղեկատվական ու կանխարգելիչ նյութեր։
Դասընթացի բացմանը ողջույնի խոսքով հանդես եկավ «Դիգնիթի» Մարդասիրական ՀԿ-ի ներկայացուցիչ Դավիթ Ավալյանը, ով ընդգծեց ՀՀ քրեակատարողական հիմնարկներում իրականացվող կրթական և կարողությունների զարգացման նախաձեռնությունների դերը։ Իր խոսքում նա անդրադարձավ մասնակիցների ակտիվ ներգրավվածության և առաջնորդության ձևավորման կարևորությանը, մաղթեց արդյունավետ աշխատանք և ձեռք բերված գիտելիքների կիրառություն ինչպես անձնական, այնպես էլ համայնքային մակարդակներում։
.webp)
.webp)
 |
Դասընթացի առաջին երկու թեմաները՝ «ՄԻԱՎ և ՁԻԱՀ․ փոխանցման ուղիներ, կանխարգելում և հակառետրովիրուսային բուժում» և «Հեպատիտներ», ներկայացրեց ՀՀ ԱՆ Ինֆեկցիոն հիվանդությունների ազգային կենտրոնի բժիշկ-վարակաբան Հերմինե Հովակիմյանը։ Նա մասնակիցներին ներկայացրեց փոխանցման ուղիները, կանխարգելման միջոցառումները, վաղ ախտորոշման և բուժման կարևորությունը՝ պատասխանելով նաև մասնակիցների հարցերին։ |
 |
Այնուհետև, Երևանի «Արաբկիր» առողջության կենտրոնի բժիշկ-ֆթիզիատր Նաիրա Խաչատրյանը ներկայացրեց «Տուբերկուլոզ» թեման՝ անդրադառնալով հիվանդության փոխանցման ուղիներին, հիմնական ախտանիշներին և կանխարգելման միջոցառումներին։ Նա կարևորեց տուբերկուլոզի վաղ հայտնաբերման և ժամանակին բուժման նշանակությունը։
|
 |