22 Ապր. 2026
«Դիգնիթի»-ի միջամտությամբ վերականգնվել են աշխատողի աշխատանքային իրավունքները
2026 թվականի ապրիլի 9-ին քաղաքացի Ա․-ն դիմել է «Դիգնիթի» Մարդասիրական ՀԿ /Դիգնիթի/՝ տեղեկացնելով, որ շուրջ մեկ ամիս առաջ ընդունվել է աշխատանքի, սակայն գործատուի հետ գրավոր աշխատանքային պայմանագիր չի կնքվել։
Դիմողի հաղորդմամբ՝ վերջին օրերին աշխատավայրում գործընկերների կողմից իրեն ուղղվել են հարցեր իր սեռական կողմնորոշման վերաբերյալ, ինչից հետո ձևավորվել է խտրական վերաբերմունք․ վերջիններս սկսել են խուսափել շփումից, ինչն էապես ազդել է աշխատանքային միջավայրի վրա։
Նշված հանգամանքների պայմաններում Ա․-ն ցանկություն է հայտնել դադարեցնել աշխատանքային հարաբերությունները, սակայն գործատուի կողմից նրան տեղեկացվել է, որ աշխատանքից ազատվելու դեպքում ինքը պարտավոր է վճարել տուգանք։
Դիգնիթիի իրավաբանը կապ է հաստատել գործատուի հետ, քննարկվել է ՀՀ Աշխատանքային օրենսդրությամբ սահմանված պահանջների պահպանումը։ Քննարկման արդյունքում Ա․-ի և գործատուի միջև կնքվել է աշխատանքային պայմանագիր՝ ապահովելով աշխատանքային հարաբերությունների իրավական ձևակերպումը։
Դրանից հետո Ա․-ն սահմանված կարգով ներկայացրել է աշխատանքից ազատվելու դիմում, սակայն աշխատանքային հարաբերությունների դադարեցումից հետո գործատուն հրաժարվել է տրամադրել վերջնահաշվարկը։
Դիգնիթիի իրավաբանի կրկնակի միջամտությունից հետո գործատուն կատարել է օրենքով սահմանված պարտավորությունը և տրամադրել վերջնահաշվարկը։
Դիգնիթի ՀԿ-ն ընդգծում է, որ գործատուները պարտավոր են ապահովել աշխատանքային օրենսդրության պահանջների պահպանումը, ներառյալ՝ աշխատանքային պայմանագրերի պատշաճ ձևակերպումը, վերջնահաշվարկի ժամանակին իրականացումը, ինչպես նաև խտրականությունից և արժանապատվությունը նսեմացնող վերաբերմունքից զերծ աշխատանքային միջավայրի երաշխավորումը։
Տարածել:
15 Մյս. 2026
Հանդիպում-քննարկում՝ նվիրված Հոմոֆոբիայի, բիֆոբիայի և տրանսֆոբիայի դեմ պայքարի միջազգային օրվան
2026թ․մայիսի 15-ին՝ Հոմոֆոբիայի, բիֆոբիայի և տրանսֆոբիայի դեմ պայքարի միջազգային օրվան ընդառաջ, Հայաստանում Ֆրանսիայի դեսպանատան աջակցությամբ «Դիգնիթի» Մարդասիրական ՀԿ-ի
02 Մյս. 2026
Բաց երկխոսության և համագործակցության ապահովում Հայաստանում խտրականության դեմ ակտիվ քաղաքացիական հասարակական կազմակերպությունների հետ
10 Ապր. 2026
ՀՀ ԱՆ քրեակատարողական հիմնարկներում հասարակական վերահսկողություն իրականացնող դիտորդների խումբը 2026թ․-ի մարտի 26-ին իրականացրել է այց «Արմավիր» ՔԿՀ և արձանագրել մի շարք մտահոգիչ փաստեր։
10 Մրտ. 2026
2026 թվականի մարտի 9-ին «Դիգնիթի» Մարդասիրական ՀԿ-ի գրասենյակում (Դիտորդական խմբի համակարգող կազմակերպության գրասենյակ) Խմբի նախագահ Սերգեյ ԳԱԲՐԻԵԼՅԱՆԻ ղեկավարությամբ տեղի ունեցավ քրեակատարողական հիմնարկներում հասարակական վերահսկողություն իրականացնող Դիտորդների խմբի հերթական նիստը։
08 Մրտ. 2026
Մարտի 8-ը ոչ միայն տոն է, այլև կարևոր հիշեցում այն մասին, որ կանանց իրավունքների պաշտպանության և գենդերային հավասարության ապահովման պայքարը դեռ շարունակվում է աշխարհի բազմաթիվ երկրներում, այդ թվում՝ Հայաստանում։
01 Մրտ. 2026
յուրաքանչյուր մարդու նկատմամբ հավասարությունը, արժանապատվությունն ու հարգանքը խթանելու նպատակով։ Այս օրը մեզ հիշեցնում է, որ խտրականությունը՝ անկախ առողջական կարգավիճակից, սեռից, սեռական կողմնորոշումից, ազգային պատկանելությունից, գենդերային ինքնությունից,
21 Փտվ. 2026
2026 թվականի հունվարի 30-ին Դիտորդների խումբը՝ նախագահ Սերգեյ Գաբրիելյանի ղեկավարությամբ, իրականացրել է չհայտարարված մոնիթորինգային այց «Արմավիր» քրեակատարողական հիմնարկ։
20 Փտվ. 2026
2026թ. փետրվարի 17-ին Հանձնաժողովը հաստատել է մասնագիտական էթիկայի կանոնի խախտման փաստը՝ արժանապատվությունը հարգելու պարտականության մասով։
Միաժամանակ արձանագրվել են համակարգային խնդիրներ ԻՀԱԿ-ում, այդ թվում՝
11 Փտվ. 2026
Զեկույցի առանձին բաժինը վերաբերում է սեռական կողմնորոշման և գենդերային ինքնության ու արտահայտման հիմքով խտրականության, բռնության, քրեական արդարադատության համակարգի արձագանքի և առնչվող այլ հիմնախնդիրների վերլուծությանը՝ ներկայացնելով
30 Հնվ. 2026
Հունվարի 22-ին տեղի ունեցավ Եվրոպական միության կողմից ֆինանսավորվող «Հայաստանում արդարադատության ոլորտի բարեփոխումների մշտադիտարկում» (JUREMONIA) ծրագրի փակման միջոցառումը, որը ամփոփեց ծրագրի շրջանակում իրականացված՝ արդարադատության, երկխոսության և համագործակցության ամրապնդմանն ուղղված համատեղ ջանքերը։
29 Հնվ. 2026
Քննարկումները հիմնված էին մասնակիցների անձնական փորձի վրա։ Շատ հարցեր վերաբերում էին բուժօգնության հասանելիությանը, ծառայությունների որակին և իրավական պաշտպանության հնարավորություններին։
