22 Հլս. 2026
Ազատազրկված անձանց դասընթացների շարքի երրորդ դասընթացը տեղի ունեցավ ՀՀ ԱՆ «Վանաձոր» ՔԿՀ-ում
2026թ․-ի հուլիսի 22-ին «Դիգնիթի» Մարդասիրական ՀԿ-ի (Դիգնիթի) կողմից իրականացվող ՄԻԱՎ վարակի կանխարգելման ծրագրի շրջանակներում «Վանաձոր» քրեակատարողական հիմնարկում կազմակերպվեց ՀՀ Արդարադատության նախարարության քրեակատարողական հիմնարկների (ՔԿՀ) ազատազրկված անձանց կարողությունների զարգացման դասընթացների շարքի երրորդ դասընթացը։
Դասընթացների շարքի նպատակն է տեղեկատվական կրթական հանդիպումների միջոցով զարգացնել ՀՀ ՔԿՀ-ներում ազատազրկված անձանց կարողությունները և առաջնորդությունը ՄԻԱՎ-ի, հեպատիտների, տուբերկուլոզի, մեթադոնային փոխարինող բուժման և առողջության իրավունքի ոլորտներում, տրամադրել կրթատեղեկատվական նյութեր։
Դասընթացի մեկնարկին մասնակիցներին ողջունեց «Դիգնիթի» Մարդասիրական ՀԿ-ի ներկայացուցիչ Դավիթ Ավալյանը՝ ընդգծելով քրեակատարողական հիմնարկներում կրթական նախաձեռնությունների կարևորությունը և դրանց ներդրումը առողջության պահպանման ու գիտելիքահեն միջավայրի ձևավորման գործում։ Նա մասնակիցներին կոչ արեց ակտիվորեն ներգրավվել քննարկումներում և կիրառել ստացած գիտելիքները առօրյա կյանքում։
 |
Ողջույնի խոսքերից հետո, ՀՀ ԱՆ Ինֆեկցիոն հիվանդությունների ազգային կենտրոնի բժիշկ-վարակաբան Յուլյա Մանուկյանը մասնակիցներին ներկայացրեց ՄԻԱՎ-ի, ՁԻԱՀ-ի և վիրուսային հեպատիտների վերաբերյալ թեմաները։ Անդրադարձ կատարվեց փոխանցման ուղիներին, կանխարգելման մեթոդներին, վաղ ախտորոշման և ժամանակակից բուժման հնարավորություններին։ |
 |
Տուբերկուլոզի վերաբերյալ թեման ներկայացրեց Երևանի «Արաբկիր» առողջության կենտրոնի բժիշկ-ֆթիզիատր Նաիրա Խաչատրյանը։ Նա ներկայացրեց հիվանդության հիմնական ախտանիշները, փոխանցման առանձնահատկությունները և կանխարգելման արդյունավետ միջոցները՝ կարևորելով ժամանակին հայտնաբերման և բուժման նշանակությունը։ |
 |
«Կախվածություններ և հանրային առողջություն» ՀԿ նախագահ, բժիշկ-նարկոլոգ Աննա Ասատրյանը խոսեց հոգեներգործուն նյութերի օգտագործման հետևանքների, վնասի նվազեցման մոտեցումների և մեթադոնային փոխարինող բուժման ծրագրերի դերի մասին՝ որպես առողջության պահպանման կարևոր միջոց։
|
 |
«Դիգնիթի» Մարդասիրական ՀԿ-ի փաստաբան Անահիտ Մկրտչյանը ներկայացրեց ազատազրկված անձանց առողջության իրավունքի իրացման մեխանիզմները, առողջապահական ծառայությունների հասանելիության հետ կապված հարցերն ու գործող իրավական երաշխիքները։ |
Դասընթացն ավարտվեց ակտիվ հարցուպատասխանով և քննարկմամբ, որի ընթացքում մասնակիցները հնարավորություն ունեցան ստանալ իրենց հետաքրքրող հարցերի պատասխանները։ Այնուհետև, մասնակիցներին հանձնվեցին մասնակցության վկայականներ, ինչպես նաև տրամադրվեցին անհատական խորհրդատվություններ։
Դասընթացների շարքն իրականացվում է «Դիգնիթի» Մարդասիրական ՀԿ-ի կողմից՝ համագործակցելով ՀՀ արդարադատության նախարարության, քրեակատարողական ծառայության, քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի հետ՝ ՀՀ Առողջապահության նախարարության «Ինֆեկցիոն հիվանդությունների ազգային կենտրոն« ՓԲԸ-ի ֆինանսավորմամբ։
Տարածել:
23 Հլս. 2026
«ԴԻԳՆԻԹԻ» մարդասիրական հասարակական կազմակերպության Վանաձորի Drop-In կենտրոնում անցկացվել է ՄԻԱՎ-ի կանխարգելմանը նվիրված տեղեկատվական և ինտերակտիվ դասընթաց։
23 Հլս. 2026
«ԴԻԳՆԻԹԻ» մարդասիրական հասարակական կազմակերպության Երևանի Drop-In կենտրոնում անցկացվել է «Վեբ կայքերի ստեղծման ներածություն WordPress-ով» թեմայով դասընթաց։ Այն վարել է կազմակերպության կամավոր Էրֆանը։
17 Հլս. 2026
ԴԻԳՆԻԹԻ Մարդասիրական ՀԿ-ի Վանաձորի Drop-In կենտրոնում աութրիչ Վահրամ Մինասյանը ՄԻԱՎ-ի կանխարգելման ծրագրի շահառուների հետ անցկացրել է հերթական տեղեկատվական հանդիպումը՝ նվիրված ՄԻԱՎ-ի կանխարգելմանը։
16 Հլս. 2026
ԴԻԳՆԻԹԻ Մարդասիրական ՀԿ-ի իրավաբան Շուշան Խնկոյանը Երևանի Drop-In կենտրոնում անցկացրել է «Իրավական հարց ու պատասխան» թեմայով հանդիպում, որի նպատակն էր ստեղծել բաց և անվտանգ միջավայր, որտեղ մասնակիցները կարող էին
.webp)
08 Հլս. 2026
2026թ․ի հուլիսի 8-ին «Դիգնիթի» Մարդասիրական ՀԿ-ի (Դիգնիթի) կողմից իրականացվող ՄԻԱՎ վարակի կանխարգելման ծրագրի շրջանակներում տեղի ունեցավ ՀՀ Արդարադատության նախարարության քրեակատարողական հիմնարկների (ՔԿՀ) ազատազրկված անձանց կարողությունների զարգացման հերթական դասընթացը «Նուբարաշեն» քրեակատարողական հիմնարկում։
25 Հնս. 2026
2026 թվականի հունիսի 25-ին «ԴԻԳՆԻԹԻ» Մարդասիրական ՀԿ-ի Երևանի Drop-In կենտրոնում տեղի ունեցավ հոգեբանական դասընթաց՝ «Սթրեսի կառավարում» թեմայով։
.webp)
24 Հնս. 2026
Առաջին դասընթացը տեղի ունեցավ ՀՀ Արդարադատության նախարարության «Արմավիր» քրեակատարողական հիմնարկում։
18 Հնս. 2026
2026 թվականի հունիսի 18-ին «ԴԻԳՆԻԹԻ» Մարդասիրական ՀԿ-ի FriendlYerevan Drop-In կենտրոնում տեղի ունեցավ դասընթաց-քննարկում՝ նվիրված ՄԻԱՎ-ի վերաբերյալ օրենսդրական կարգավորումներին և ՄԻԱՎ-ով ապրող մարդկանց իրավունքների պաշտպանությանը։
17 Հնս. 2026
2026 թվականի հունիսի 17-ին Երևանի Drop-In կենտրոնում «Դիգնիթի» Մարդասիրական ՀԿ-ի նախաձեռնությամբ անցկացվեց բաց և ինտերակտիվ հանդիպում, որը վարեց կազմակերպության ՄԻԱՎ-ի և սեռական առողջության մասնագետ Լևոն Չիլինգարյանը։
10 Հնս. 2026
2025 թ․ հունիսին Վանաձորի DropIn կենտրոնում անցկացվեց տեղեկատվական դասընթաց, որը նվիրված էր ՄԻԱՎ-ի կանխարգելման նորարարություններին, հեպատիտների դեմ պայքարին և առողջության վերաբերյալ իրազեկվածության բարձրացմանը։
05 Հնս. 2026
2026 թ.-ի հունիսի 5-ին Տավուշի մարզի Կողբ գյուղում տեղի ունեցավ ևս մեկ տեղեկատվական փորձի փոխանակման հանդիպում՝ «Իմ ձայնը կարևոր է․ երիտասարդների ներառական, ժողովրդավարական մասնակցությունը Հայաստանում խորհրդարանական ընտրություններին» ծրագրի շրջանակներում։
04 Հնս. 2026
2026 թ.-ի հունիսի 4-ին Սյունիքի մարզի Գորիս քաղաքում և Արմավիրի մարզի Հոկտեմբերյան քաղաքում տեղի ունեցան տեղեկատվական փորձի փոխանակման հանդիպումներ՝ «Իմ ձայնը կարևոր է․ երիտասարդների ներառական, ժողովրդավարական մասնակցությունը Հայաստանում խորհրդարանական ընտրություններին» ծրագրի շրջանակներում։